Chi Yun's profileChris (老公) 與 Connie(老婆) ...PhotosBlogListsMore  |  Tools Help |
Chris (老公) 與 Connie(老婆) 甜蜜空間 |
||||||
|
December 12 台北四日三夜行程(29/11/07~02/12/07)我與老婆買了康泰 Package 機票 + 酒店 + 旅遊保險 (4 日 3 夜)
一人 2574 元，Total 5148 元。 乘坐中華航空 (29/11/07 CI602 10:25hrs 出發、02/12/07 CI617 18:25hrs 回程)。 住西門町大順大飯店。 『第一天行程』(29/11/2007 星期四 天氣多雲)
『台北桃園機楊』-『西門大順大飯店』-『紅樓劇場』-『阿宗麵線食午餐』-『參觀國父紀念館』-『度小月食晚飯』 -『誠品信義旗艦店』 - 『台北 101 大樓欣賞夜景』-『饒河街夜市』-『返回大順大飯店』
10:25hrs ~ 12:05hrs
坐中華航空到達台北桃園機場，接著我倆在機場內銀行對換台幣，跟着便乘坐飛狗巴士(康泰送的兩張單程票)到西門町大順大飯店。 14:30hrs 終於到達大順大飯店(因飛狗最後一站先到西門町，故車程需要一小時多先到。)，不過車到門口都 ok 啦。 14:45hrs 我倆用最快時間 check-in 及搬行李上房(住六樓)，期實大順大飯店比我感覺都幾好呀，雖然地下大堂細啲，不過服務員態度親切及無網友講好時鐘酒店、砲房 feel 囉，而房間整潔又大、仲每日有人執房。 15:00hrs 到最近既紅樓劇場參觀，步行五分鐘便到，不需十五分鐘行完因無乜特別，之後到阿宗麵線食出名的大腸麵線(真係好好味呀...一個字"正")，真係勁竟然只買大腸麵線都可以咁多人食，因没有坐位，故人人都係企住食，感覺好特別。 15:45hrs 到捷運西門站，首先買張悠遊卡先(等同香港八達通，不過好過香港八達通，因乘捷運每程都有八折)，然後坐捷運到國父紀念館站。 16:00hrs 於國父紀念館站 4 號出口出便到達，國父紀念館外觀真係好靚及剛剛開始日落，所以與老婆影了好多相，接著約 16:40hrs 到館內，因書本上講每日最後一次換班會提早，企在孫中山銅像兩旁的阿兵哥的確棒(真係企定定成個鐘)，等到 16:55hrs 仍未開始換班，我老婆便走去問管理員，他說 17:00hrs 才開始，早知唔使咁趕啦，不過等吓都值得，換班過程真係好好睇、好有氣勢和阿兵哥很帥。 17:30hrs 之後我倆步行十五分鐘到度小月食晚飯，度小月啲食物都好便宜，叫了三様食物都只係 NT355，擔仔麵一定要試。 18:30hrs 步行到忠孝敦化站乘捷運到市政府站，便先到誠品信義旗艦店睇書(真係好大呀，書店有幾層咁大香港一定無咁大既書店，因時間問題只行了一陣不過都買了兩本攝影書，啲書好多款式。之後便去 101 大樓觀賞台北夜景啦，雖然要 NT350 先可以上89樓，但可坐全世界最快之升降機(由 5 樓到 89 樓只需用 37 秒時間)，仲有台北的夜景真是很美都算值得既，我與老婆因想感受戶外氣氛，故再付 NT100 上 91 樓戶外欣賞夜景，感覺真爽。 22:00hrs 因在 101大樓誤了太多時間影相，故乘捷運到後山埤站步行前往饒河街夜市時，經過五分埔都無時間睇，不過算啦我倆終於到首次到台北的第一個夜市啦，好多人、好多嘢食、好多嘢買，一去到便見到好多人排隊買福州胡椒餅，我梗係急不及待即時排隊啦，排了十分鐘即時試食(真係極之好美味呀......我臨走再買多個食)，我老婆就不斷話要飲台灣特有水果柳丁汁(有真係好香甜好好飲喎)，之後仲食咗林記一口煎餃(味道一般)，行到 23:30hrs 因要趕搭捷運故唔想走亦要離開，坐的士到後山埤站，乘捷運返回西門町大順大飯店都已然過咗十二點啦......好攰明天繼續行程。 『第二天行程』(30/11/2007 星期五 天氣多雲時晴)
『遊覽十份』 - 『行路到十份瀑布』 - 『金瓜石』 - 『遊覽九份』 - 『返回大順大飯店』 - 『華西街夜市』– 『返回大順大飯店』 07:00hrs 真係晨咁早就要起身啦!!!無計啦....因要就火車班次，故我和老婆一起身便用最快時間出門及在酒店吃完早餐，便趕去搭捷運到台北車站。 08:15hrs 我倆一到北台車站便一路跟指示到台北火車站(因第一次到台北最初都有啲擔心難搵路，幸好由台北捷運到台北火車站指示都好清晰。)，跟著買 08:32hrs 區間快(3004) 火車票到瑞芳火車站時間大約 09:20hrs，接著即時買平溪線一日劵再於同一個月台等車。 09:32hrs 最初我都諗得 12 分鐘時間是否足夠轉車，因過了這一班要等個幾鐘才有下一班，原來係同一個月台買平溪線一日劵及等車，總算放心。列車(區間車 3211)真係準時到，車身好有鄉村感覺，上車後沿途景色好美麗千萬別錯過呀。 10:00hrs 終於到達十份啦!!!!好開心呀!!!我與老婆其實都好鍾意大自然既，所以一出車便十分興奮，十份真係好靚啲屋好有日本 feel，我倆沿十份老街一路行便見到靜安吊橋、樓仔昔及平和橋，行上靜安吊橋仲有啲搖晃感覺，再繼續行便經過十份遊客中心及四廣潭吊橋，行多十分鐘到達觀瀑吊橋從遠眺便望見眼鏡洞瀑布了，途中有一檔買燒香腸的小販，我們買了一條食(因有啲攰所以覺得好好味!!)，繼續再行多五分鐘便到達十份瀑布入口，給了入場費(記得用平溪線一日劵買票只需 NT100)，進入後轉左落樓梯........一望"十份瀑布"終於在我眼前出現，嘩嘩...嘩嘩...嘩嘩..我和老婆真係叫咗好多聲，真係好似傻咗一樣呀，我真係未咁近同親眼見過咁壯觀既瀑布，好震撼好有壓迫力呀，因前一倆天下過雨，所以特別多水壯觀，行樓梯落到底部攝影區我便不斷影相...影相...影相...真係好靚(大自然真係奧妙)，影到 12:30hrs 幾唔捨得都要走，跟著便行火車軌去大華站，中途會經過一個好短既山洞(行過時都有啲驚，而且又有啲黑，不過唔使一分鐘就穿越了，去到大華站剛好 12:45hrs，趕得切搭 12:46hrs 區間車(3216)回瑞芳車站(真是很險，遲少少走就有排等)。 13:07hrs 於瑞芳站落車後，因老婆太肚餓，故我倆便隨便搵一間街邊檔食了一碗魯肉飯及陽春麵醫飽個肚，跟著便去搭基隆客運到金瓜石(各位記得上車前一定要問清楚司機，如果搭錯相反方向就槽糕了。)，仲有呀各位不用擔心搵唔到搭去金瓜石或九份之基隆客運車站，因瑞芳站出閘後沿路都有指示去九份之車站。 14:00hrs 約 25 分鐘車程終於到金瓜石總站啦，我倆落車行到去遊覽區入口時，我突然想起在瑞芳站時忘了購買金瓜石一日劵(只需 NT110 便可乘坐四次基隆客運往返瑞芳、九份及金瓜石，仲可以包參觀生活美學體驗館、環境館、太子賓館及黃金博物館。)，幸好在金瓜石一樣有得買，以上各館都有參觀算係 ok 啦，不過千萬不要錯過黃金博物館內有一塊全世界最重之金磚，仲可以觸摸，真係好難得。接著我倆去到本山五坑坑道體驗館，付每人 NT50 入場費，入坑前會獲發一張派工咭及頭盔，於是我倆帶著又好奇又有少少心驚既心情進入坑道，坑道內燈光陰暗及會有水滴於石隙縫滲出，而每行一段路便會有蠟像人重現礦工以往生活情況，仲附有錄音聲帶講解，全程約需 10 分鐘時間，其實感受一下礦工往日既生活都幾特別呀。跟住我倆步行約 15 分鐘便到達報時山觀景台啦(真係比我想像中容易行，而上觀景台最後一段山路之行人路及欄杆全是用木板建成，都幾靚。)，剛巧天氣晴朗又有陽光，而四周山頭又長滿馬尾草，真是太美麗啦，我老婆超鍾意呀，在報時山觀景台可觀望大肚美人山及陰陽海，正因老婆唔捨得走，故我倆決定睇完日落先走，天氣好日落都特別靚，其後便行到勸濟堂站坐車到九份(即是有個關公像既勸濟堂側)。 17:15hrs 於九份老街落車(不用擔心車站側有一間 7-Eleven)，而九份給我的第一個感覺係幾日本 feel，不過無我想像中咁特別囉，都唔緊要啦我倆便沿基山街一路行(好多手信買及好多人)，沿途食了張記綜合魚丸湯(真係好彈牙好有味道)及阿蘭草仔粿(又係好好味，有鹹和甜選擇)，途中經過李儀餅店有得試食，全部都熱辣辣，老闆又好人，所以都買了鳳梨酥及太陽餅(正!!)，仲可以係北台地下街分店取，真係諗得周到；跟著繼續行到了豎崎路樓梯极，天都已經黑晒啦，我倆上樓梯到阿柑姨芋圓吃糖水，走進舖內行到最入於窗口位坐下，一邊觀賞九份夜景一邊嘆綜合芋圓糖水(真是太美妙啦!!)，最後我與老婆於沿路落樓梯時拍了幾多照片(樓梯加上兩邊房屋都幾浪漫 feel 架)，落到樓梯底轉左便有車站，我倆便乘坐基隆客運國道「台北 - 中山高 - 瑞芳 - (九份) - 金瓜石」線到台北捷運忠孝復興站。 20:30hrs 坐了約一個鐘基隆客運再轉捷運回西門站返回大順大飯店先放下所有物品，接著我倆便步前往華西街夜市啦，行了大約 20 分鐘終於到達，但華西街夜市不如我想像中咁熱鬧囉，其實仲有啲冷清添，我與老婆本懷著失望之情行去龍山寺站搭捷運，直至行到華西街夜市牌扁廣州街出口時，有一陣極之熱鬧的氣氛，嘩......真係成條街都係熟食及小販檔，由街頭行到街尾都要成個鐘有多，我同老婆梗係大拆一餐啦，最後行到成十一點幾先走呀(書本上真係無介紹過呀，都值得一來)，返到大順大飯店又成十二點啦，明天再繼續旅程.......瞓覺。 『第三天行程』(01/12/2007 星期六 天氣多雲時晴) 『遊覽北投』-『龍泉浴室浸溫泉』-『遊覽淡水』-『漁人碼頭觀賞日落』-『士林夜市』-『返回大順大飯店』
07:30hrs 今天無昨日咁早起身又唔使咁趕，故我和老婆慢慢於酒店食早餐才起程。於 08:45hrs 便乘搭捷運到新北投站啦。 09:30hrs 到達新北投站後，我倆第一站先到凱達格蘭文化館參觀，只有地下至三樓可參觀，內裡講述台灣原住民的歷史，因無乜特別故行了一圈便走了，接著去到北投溫泉博物館，但好不幸博物館原來進行緊翻新工程故不開放(要到十二月尾才開放)，真是倒霉呀!無所謂啦只好繼續行程，行多一陣便到露天溫泉正門入口，不過我倆沒有在此浸溫泉，因要着泳衣及多人一齊浸十分無 feel(不過我都幾想睇吓內裡既情況)，再一直行便會見到有一條溪流，再睇清楚啲水有少少煙出既，我們便行落去點吓啲水暖暖地，不過有啲臭，睇真啲原本啲水係好多溫泉旅館流出來的溫泉水，同埋仲有些人在這裡浸腳呀(都幾污漕)，再行無幾遠，我倆終於到達地熱谷入口啦(好興奮呀!!!)，未入到去已經感覺到有一陣熱氣，當入到去一望，嘩!!!!好熱呀!!!!地熱谷溫泉啲水有成 70 度高溫，啲煙不斷從水面湧出，感覺好特別，直係從未試過咁近距離接觸咁大個溫泉，而且天氣又好，實在係超正呀!!跟著下一站我倆便到來北投既重點就係浸溫泉啦，我從書本上介紹一間最近地熱谷食正頭淡湯既『龍泉浴室』浸溫泉，雖然『龍泉浴室』已開業 30 年有點殘舊，但內裡十分維生，而最緊要係老闆及老闆娘十分熱情又親切，給我倆有一種溫暖既感覺，這真是我倆追求的而其他比較商業性的溫泉旅館有所不及的，而且價錢十分便宜(家庭池 NT350 浸一小時)，浸完溫泉後我倆與老闆娘道謝後離開(老闆娘表示明年會開始進行翻新)，離開『龍泉浴室』後於門口對出有一檔小販，我倆好奇查看有咩食，見到有好正既溫泉蛋及從未食過既豬血糕，因好奇故買了豬血糕試試，味道都幾特別有啲咸 ok 好味啦。 12:30hrs 於『龍泉浴室』步行多 5 - 10 分鐘便到達我倆今日午餐既地點『滿來溫泉拉麵』，到達時門口已有人排隊，等了一陣便有位，舖內十分熱鬧，啲拉麵真係幾好食又平(約港幣 25 元一碗)，而本人極力推介既食物一定要試，就係溫泉豆腐及溫泉蛋，兩樣都係凍食，食入口好滑好滑。食完午餐後於 13:15hrs 便行路回新北投站乘搭捷運到淡水。 14:00hrs 到達淡水了，首先在遊客中心購買淡水古蹟園區遊園一日劵(NT 100)(可無限次搭乘紅 26 公車，參觀紅毛成、小白宮及滬尾砲台。)，一出捷運站左轉過馬路便到淡水中正路，這裡真係好多嘢買好多嘢食，其實嗰感覺都幾西貢 feel，我倆一路行一路搵淡水最出名的食物『阿給』，最初都有啲迷路(因書本上的地圖有錯誤)，本來都已放棄，諗住去小白宮咁我倆行到一條大馬路問一問警察佢話小白宮在對面真理街斜路上就到，行吓行吓行到一個舖頭點解咁多人排隊，望清楚原來係正宗嗰間『阿給』，真係喜出望外呀好開心，見好多人咁我維有外買啦，行多一陣便到小白宮，參觀了一陣便搵張長櫈坐下休息食『阿給』，食落味道都好特別但無想像中咁好食，接著便去紅毛城參觀，行完紅毛城都已經 15:30hrs 了，本想搭紅 26 公車到滬尾砲台參觀但因時間唔夠故直接搭紅 26 公車到漁人碼頭睇日落，落車時都已經 16:00hrs，但我真係估唔到太陽已開始日落(幸好趕得切，大家記得注意時間，台灣冬天日落真係好早架。)，我倆急不及待行去情人橋欣賞日落，不過真係好多人，唔緊要日落真係好靚嗰一刻個 feel 好浪漫，過著咁靚既景色我同老婆梗係唔捨得走啦，咁我倆咪於漁人碼頭漫步行到去盡頭，跟住睇埋夜景先走，而漁人碼頭天黑之後真係好似尖沙咀海旁咁架好熱鬧。於18:30hrs 我倆才懷著不捨之心乘坐紅 26 公車回淡水站乘搭捷運到劍潭站。 19:30hrs
終於到達劍潭站啦，真係未出站已感覺人頭湧湧，一出站外一望，真係人山人海非常之熱鬧呀，我本來計劃行程係去完美麗華百樂園坐摩天輪才回來行士林夜市，不過因在淡水誤了很多時間，故決定取消坐摩天輪主力行士林夜市，我倆先到公有士林觀光市場醫肚，先後食了生炒花枝羹、大餅包小餅、大腸包小腸、十全排骨湯及豪大大雞排，真係樣樣都好好食唔可以錯過，仲有就係爵林花生糖買了手信(啲花生糖真係好食，我啲同事食完都話好脆好好味。)，之後行文林路及基河路一帶，不過萬萬都估唔到呢過真係一個惡夢，啲人多到唔好話睇嘢啦，就咁連行都行咁到，想回頭離開又走唔到，到最後迫咗半個鍾有多先走到出去，所以我勸大家如果想去士林夜市文林路及基河路一帶最好唔好假日去啦。大約到 11:00hrs，我倆便乘搭捷運回西門大順大飯店啦.........返到去都 11:30hrs ，執埋行李終於都有得訓覺啦!!!!
『第四天行程』(02/12/2007 星期日 天氣多雲時晴)
『參觀中正紀念堂』-『鼎泰豐吃午餐』-『西門町行街買手信』-『往桃園機場』
08:00hrs
今早一起身我倆便執齊行李落酒店大堂 check-out 但行李就放在酒店大堂寄存，然後我和老婆慢慢於酒店食早餐才起程。於 09:30hrs 便乘搭捷運小南門線到新中正紀念堂站啦。 09:45hrs 11:30hrs 13:30hrs 15:30hrs |
|||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts|
|
+%e8%88%87+Connie(%e8%80%81%e5%a9%86)+%e7%94%9c%e8%9c%9c%e7%a9%ba%e9%96%93+-+Windows+Live&referrer=){kind=small}
